Naħqa ta’ Ħmar

<em>Ta’ ħmar li jien, ispirat mill-mexxejja għaqlin tal-Unions ħabrieka tagħna, ersaqt lejn Elvira tiegħi u wara erbgħa u għoxrin sena żwieġ għamilt kuraġġ u għidtilha:</em><em>– Elvira, ma jistax ikun li nibqa’ naħsel il-platti jien! Għaliex ma nixtrux dishwasher?</em><br><em>– X’nagħmlu? Nixtru dishwasher? Ma tarax, ħmar! Mela ma tafx li inti tiswa anqas u tiffrankali fil-kont tad-dawl!</em><em>U għax ħmar jiena nibqa’ nissawwat. Id-dar. Fuq ix-xogħol. Fit-triq. Mingħand tal-insurance. Fuq l-Arriva. Bil-livell tal-programmi fuq it-tv!</em><br><em>U sabiex inkampa ddeċidejt li nissieħeb mal-ħmir kollegi tiegħi fis-soċjetà u nikteb dan il-ktieb billi naqbad ma’ kemm nista’ persunaġġi, sitwazzjonijiet u entitajiet.</em><br><em>U n-naħqa tiegħi noffriha sabiex aħna l-ħmir nagħmlu kuraġġ u nibqgħu magħqudin għax kif kien jgħid Kelinu tal-Kolla, ‘Fl-għaqda hemm is-saħħa!’</em>