"ixgħel
ibqa'
l-ġranet
li
qed iħalluni
skuri"

“L-att tat-tħassir ... għandu bixra ironika. Jekk mhix ironija allura af hija t-tkomplija ta' proċess ta' tiftix bħallikieku Matthew għaraf li mill-ewwel ktieb tiegħu seta' jieħu iktar, li l-kliem li kiteb l-ewwel darba ma tawhx dak li xtaq. Xtaq aktar.”
— Glen Calleja“Ħassartek ... huwa stessu mtertaq, imneżża' minn sens ta' inibizzjoni, sempliċi u konċiż. Ħafna aktar minn Stessi, Ħassartek huwa stessu introspettiv, imnikket, espliċitu speċjalment fl-ispazji vojta li jiċċassaw lura lejk fuq kull paġna.”
— Raphael VellaĦassartek ta' Matthew Schembri jinkludi 231 poeżija tat-tħassir, poeżija maħluqa minn kull paġna tal-ewwel rumanz tal-awtur, "Stessi". Dan huwa l-ewwel ktieb bil-Malti tal-ġeneru tal-poeżija tat-tħassir.Pubblikazzjoni megħjuna mill-Kunsill Malti għall-Arti.