Fil-Ħofra Bejn Spallejha

'Fil-Ħofra Bejn Spallejha' hija ġabra ta' poeżiji miktuba minn Maria Grech Ganado bejn is-snin 2001 u 2004.
Imwielda Ħal Lija fl-1943, Maria ppubblikat ħames ġabriet ta' poeżiji li tnejn minnhom huma bl-Ingliż. 'Fil-Ħofra Bejn Spallejha' hija t-tielet ġabra tagħha bil-Malti. L-ewwel ġabra tagħha 'Iżda Mhux Biss' (1999), rebħet l-ewwel fil-Premju Letterarju fit-taqsima tal-poeżija. Uħud mill-poeżiji, kemm dawk Maltin kif ukoll Ingliżi, ġew ippubblikati l-Ingilterra, Franza, l-Italja, il-Ġermanja, Ċipru, u l-Awstralja.
Maria hija wkoll traduttriċi ta' bosta xogħlijiet bil-Malti ta' kittieba Maltin. Fis-sena 2000 Maria Grech Ganado ġiet ippreżentata l-Midalja għall-Qadi tar-Repubblika bħala rikonoxximent għall-ħidma li tat f'ġieħ il-letteratura.