hemm qarsa fil-vers

Din l-ewwel ġabra ta' Keith Borg tippreżenta l-ewwel esperjenza personali tiegħu, wara li donnu ddakkar minn multipliċità ta' esperjenzi, kemm lokali permezz ta' kuntatt dirett ma' żewġ ġenerazzjonijiet kontemporanji mhux sajma, kif ukoll b'mod mondjali permezz tal-panorama intellettiva riflessiva fl-għatx kreattiv tiegħu għal ħafna għejun u nixxigħat minn fejn jista' jħallat u jħawwar fir-riċetta tiegħu.
Forsi l-ewwel u l-aktar ħaġa li tiddistingwi lill-vers ta' Borg fid-dawl tal-kurrent kurrenti tal-kitba poetika kontemporanja hija l-modernità. Modernità fl-istruttura u l-konnotazzjoni, fil-manifestazzjoni spiritwali, kif ukoll fil-perċezzjoni tal-'jien' kollettiv partikolarment fir-realizzazzjoni tal-metafiżika u t-temporali spazjali, u kollha ġejjin mill-filosofija libera u l-konxjożità marbuta mal-portata intrinsika tal-poeżija.
\- Walid Nabhan