Il-Praspar Kollha ta' Kunċett u Marinton

Ktieb klassiku fil-letteratura Maltija għat-tfalKunċett kienet qasira u ħoxna, u meta titkeffen ġol-għonella kienet tkun qisha pastur tal-presepju; pastur li għal xi raġuni jew oħra ma ħariġx sabiħ u mirqum kif kellu joħroġ.<br>Marinton kienet għadha mserdqa u fuq tagħha. Jekk il-kappillan ilaqqa’ pellegrinaġġ għall-Madonna tal-Mellieħa, jew jekk tal-Każin imorru d-dawra ta’ Malta, Marinton kienet tkun lesta minn tal-ewwel fil-lista.In-nies jgħidu li Kunċett u Marinton laħqu għalqu l-mitt sena qabel ma mietu. Jien ma nafx ngħidilkom sewwasew, imma naf żgur li l-praspar baqgħu jagħmluhom sal-aħħar.