Is-Sitt Aħwa (#3)

Rebbieħ tal-Premju Nazzjonali tal-KtiebRebbieħ: l-Aqwa Disinn ta’ Ktieb bil-Malti fil-Premju Nazzjonali tal-KtiebIt-tielet volum fit-triloġija<em>Il-Logħba tal-Allat</em>L-Imxajtan fl-aħħar ħareġ minn fejn eluf ta’ snin ilu safa msakkar minn ħutu stess. L-għan tiegħu li jkun mill-ġdid setgħan fuq kollox u fuq kulħadd. Iżda jonqsu xi ħaġa li mingħajrha ma jista’ qatt ikun sħiħ. U qed ifittixha.<br>Taħt il-kmand ta’ Baàl, Sultan tad-Dlamijiet u alla tal-ħin, Ulied il-Lejl bdew jinġabru fuq id-dinjiet kollha sabiex iwieġbu għas-sejħa tal-imgħallem tagħhom. Minn fejn jgħaddu, iħallu biss ħerba u mwiet.<br>U l-logħba, kif se tintemm?<br>U Baàl, li kien għadda magħhom f’Siì, issa fl-aħħar ħieles minn jasar t’eluf ta’ snin, żamm bi tbatija kbira bilwieqfa u qagħad iħares lejn il-ġlieda mill-bogħod, minn wara s-siġra li kien staħba warajha kif waslu, u tbissem għax kollox kien mar kif xtaq.