Ramon u ż-Żerbinotti

<em>“Bilqiegħda fuq bank sfrakassat f’nofs il-pjazza tar-raħal, Ramon u ż-żerbinotti kienu qed jistennew il-miġja ta’ dik il-coach misħuta li ta’ kull filgħodu kienet twassalhom sa quddiem il-kanċell opprimenti tal-Liċeo Ġwann Mamo, ossija dak l-ispeċi ta’ manikomju ġovanili fejn it-tlieta li huma kienu ħlew l-aħħar (u skont Ramon l-aħjar) ħames snin ta’ ħajjithom …”</em>Wara<em>Inbid ta’ Kuljum</em>u<em>Xemx, Wisq Sabiħa</em>, Ġużè Stagno jirritorna bil-kbir. L-Amiga 500. Il-papoċċi tat-tromba. Edwige Fenech.<em>Non è la Rai</em>. Il-Clearasil Ultra. L-eżamijiet tal-GCE.<em>Colpo Grosso</em>m’Umberto Smaila. Il-Lambada. Wara l-Weekend. L-angst taż-żgħożija u t-terrur ta’ mewta verġni. Il-peer pressure. Il-PE. Il-patenti. Dan, u ħafna aktar, fit-tielet rumanz tiegħu.