Trojan

Ah the good old days konna aħjar meta konna agħar (Kumment fuq Facebook)<em>"Trojan huwa ktieb dwar it-traffiku bejn dak li għandu preżenza storika u dak li huwa fil-lil hinn …"</em>(Glen Calleja, Poeta)Ġanni Muscat huwa raġel irrabjat.Wieħed jistenna li tal-età tiegħu jkun ra u ħass kemxa sew mill-imrar li taf toffri l-ħajja, u b’hekk ikun tgħallem jaċċetta. Biż-żmien, minflok, huwa u jixjieħ, kien sar bniedem dejjem iktar gergieri. Kien igerger dwar kollox, mit-togħma li m’għadhiex li kienet tal-ħobża Maltija, sal-kwalità dejjem tmajna tal-programmi ta’ varjetà fuq it-Taljan, mhux bħal qabel…qabel l-affarijiet kienu aħjar, kollox kien aħjar. Kemm kienu jilbsu isbaħ in-nisa dari, kemm jiftakarhom iżjed onesti u bla ksuhat il-plejers tal-futbol, u kemm hi iżjed storbjuża d-dinja tal-lum, kif kollox sar ma jiswa xejn, kif morna l-baħar jaħasra.Spiċċat id-dinja.